Hvernig er ódýrast að nota farsíma í útlöndum?

Með Vodafone Passport er greitt ákveðið upphafsgjald og síðan mínútuverð rétt eins og um innanlandssímtal á Íslandi væri að ræða. Nánar um Vodafone Passport. Athugið þó að Vodafone Passport hentar ekki ef oftast eru hringd mjög stutt símtöl erlendis, heldur fæst sparnaður þjónustunnar frekar þegar hringd eru lengri símtöl.

Sé númerið ekki skráð í Vodafone Passport er verð háð hverju landi fyrir sig, heiminum er skipt í 5 svæði og sama verð hjá öllum símafélögum. Sjá reikiverðskrá. Vodafone Passport er eingöngu í boði fyrir þá sem eru með farsíma í áskrift. 

Hafðu þetta í huga:

• Það er ódýrara í flestum tilvikum að hringja frekar en að eiga „SMS samtal“.
• Það kostar ekkert að taka á móti SMS erlendis.
• Þú getur alltaf sent ókeypis SMS af vodafone.is ef þú hefur aðgang að netinu erlendis.
• Símtal á milli tveggja íslenskra símanúmera í útlöndum er tvöfalt útlandasímtal – fyrst heim og síðan aftur út. Þótt viðmælandinn sé við laugina og þú á ísbarnum rétt hjá!
• Ef þú ert að ferðast utan EES/ESB landanna og símtöl til þín fara í talhólfið þitt þá ertu að borga tvöfalt útlandasímtal: fyrst frá Íslandi til útlanda og síðan aftur í talhólfið á Íslandi. Jafnvel þótt slökkt sé á símanum! Þú getur slökkt á símtalsflutningi í talhólfið með því að slá inn ##002# og ýta á hringja hnappinn.
• Ekki svara ef þú vilt ekki borga! En þá verður þú líka að taka talhólfið alveg úr sambandi, því talhólfssvar jafngildir svari ef þú ert utan EES/ESB landanna.
• Ef þú vilt vita hver hringdi þá getur þú skráð þig ókeypis í Hver hringdi þjónustuna og þá færðu eitt SMS með öllum þeim sem reyndu að ná í þig á meðan þú varst með slökkt á símanum eða utan svæðis. Þjónustan er algjörlega gjaldfrjáls, líka í útlöndum. Frelsisnúmer geta kveikt á þjónustunni með því að slá inn *133# og ýta á hringja, en númer í áskrift með því að slá inn **62*6899000# og ýta á hringja.
• Þegar sent er SMS með séríslenskum stöfum fækkar stöfum á hvert SMS úr 160 í 70. Þannig getur eitt SMS sem er án séríslenskra stafa breyst í tvö til þrjú SMS með séríslenskum stöfum og kostnaðurinn verður þar af leiðandi meiri.
• Athugið að þegar ferðast er til Bandaríkjanna eru símtöl í 800-númer ekki gjaldfrjáls ef hringt er úr íslensku farsímanúmeri. 800-númer eru einungis gjaldfrjáls þegar hringt er úr bandarísku símanúmeri. Margir kaupa sérstök skafkort fyrir útlandasímtöl í Bandaríkjunum til að lækka verð útlandasímtala og þá virka kortin þannig að hringt er í ákveðið 800-númer til að nota inneign skafkortanna. Alls ekki ætti að hringja í þetta 800-númer úr íslensku farsímanúmeri, heldur nota landlínu, t.d. almenningssíma. 
• Ítarlegar upplýsingar veitir þjónustuverið okkar í síma 1414.