Vodafone.is - Fréttir af Vodafone

Björgunarfélag Ísafjarðar og Björgunarsveitin Dýri frá Þingeyri hafa samið við Vodafone, um að fyrirtækið annist heildarfjarskiptaþjónustu fyrir félögin. Samningar þess efnis voru undirritaðir í Guðmundarbúð á Ísafirði á föstudagskvöld en gildistími samninganna er þrjú ár. Þá munu félagsmenn og fjölskyldur þeirra njóta góðs af samningnum í formi sérkjara á fjarskiptaþjónustu Vodafone.

Björgunarfélag Ísafjarðar og Björgunarsveitin Dýri frá Þingeyri hafa samið við Vodafone, um að fyrirtækið annist heildarfjarskiptaþjónustu fyrir félögin. Samningar þess efnis voru undirritaðir í Guðmundarbúð á Ísafirði á föstudagskvöld en gildistími samninganna er þrjú ár. Þá munu félagsmenn og fjölskyldur þeirra njóta góðs af samningnum í formi sérkjara á fjarskiptaþjónustu Vodafone.

Vodafone hefur á undanförnum misserum unnið markvisst að bættum fjarskiptum á Vestfjörðum. Uppbyggingin hefur meðal annars tryggt öruggt GSM samband á fjölmörgum svæðum sem ekki höfðu notið slíkrar þjónustu áður, bæði á sjó og landi. Meðal svæða sem komist hafa í GSM samband á þessu ári fyrir tilstilli Vodafone eru Jökulfirðir, Drangjökull, Strandir, Gemlufallsheiði og stór svæði við Ísafjarðardjúp. Þá er GSM þjónusta nú í boði á hafsvæðinu kringum Vestfirði, í allt að 120 kílómetra fjarlægð frá landi.

Fjölgun viðskiptavina úr hópi þeirra sem sinna björgunar- og neyðarhjálparstarfi á Íslandi er mikið ánægjuefni fyrir Vodafone, enda gera slíkir aðilar miklar kröfur um öryggi þjónustunnar og stærð þjónustusvæða. Fyrr á þessu ári samdi Slysavarnafélagið Landsbjörg – landssamtök björgunarsveita og slysavarnadeilda á Íslandi – við Vodafone auk þess sem Neyðarlínan færði sín viðskipti til Vodafone.