Vodafone

Vodafone er í eigu Eignarhaldsfélagsins Fjarskipta hf. Eignarhald þess er dreift, því félagið er m.a. í eigu fjölmargra lífeyrissjóða, sem ýmist eiga beinan eða óbeinan hlut í Eignarhaldsfélaginu Fjarskiptum. Stærsti eigandinn er Eignarhaldsfélagið Vestia, en það er í eigu Framtakssjóðs Íslands. Að auki á Framtakssjóður 18,4% hlut beint í félaginu. Framtakssjóður er svo í eigu 16 lífeyrissjóða þannig að sannarlega má segja að Vodafone sé fjarskiptafyrirtæki í eigu almennings.

Eignarhlutur skiptist svona, 1. september 2011:

• 61,0% Eignarhaldsfélagið Vestia ehf.
• 18,4% Framtakssjóður Íslands slhf.
• 3,1% Lífeyrissjóður Bankastræti 7
• 2,6% Íslandssjóðir hf, sjóður 1
• 2,2% Miðengi ehf.
• 2,2% Rekstrafélag verðabréfasjóða ÍV hf.
• 1,5% Lífeyrissjóður verkfræðinga
• 1,4% Gildi - lífeyrissjóður
• 1,1% Stafir lífeyrissjóður
• 1,0% Kaupþing Hávaxtasjóður
• 5,5% Aðrir hluthafar samtals

---

Stjórn Vodafone er þannig skipuð:

Þór Hauksson er stjórnarformaður Vodafone. Hann starfar hjá Framtakssjóði Íslands en var áður starfsmaður í fjármálaráðuneytinu, hjá Kaupþingi, Straumi fjárfestingarbanka og Skiptum hf. Þór er með MBA gráðu frá Háskólanum í Reykjavík og MA gráðu í stjórnmála- og hagfræði frá University of Hull. Hann situr í stjórn Icelandic Group, Húsasmiðjunnar, Teymis og Skýrr.

---

Erna Eiríksdóttir situr í stjórnum Íslandssjóða hf. og Advania hf. og hefur starfað m.a. hjá Landsvirkjun Power og Eimskipum. Erna hefur próf í verðbréfaviðskiptum frá Háskólanum í Reykjavík, MBA próf frá Háskólanum í Reykjavík og Cand.oecon. frá endurskoðunarsviði viðskiptadeildar Háskóla Íslands.

---

Helga Viðarsdóttir er markaðsstjóri Norræna hússins, en starfaði áður sem framkvæmdastjóri Trico og framkvæmdastjóri markaðssviðs 66°Norður. Hún er menntaður rekstrarfræðingur frá Háskólanum á Akureyri og með meistarapróf í viðskiptum frá Viðskiptaháskólanum í Árósum með áherslu á viðskipti milli fyrirtækja. Helga situr í stjórn fjölmiðilsins Krítik og Trico hf.

---

Reimar Pétursson er hæstaréttarlögmaður og rekur lögmannsstofu í félagi með öðrum. Auk lögmannsstarfa hefur hann starfað m.a. hjá Atorku og Straumi fjárfestingarbanka. Reimar er með embættispróf í lögfræði frá Háskóla Íslands og meistarapróf frá Columbia University í New York.

---

Vilmundur Jósefsson er framkvæmdastjóri hjá Svartá ehf. Hann situr einnig í stjórnum MP Banka, Stáss ehf. og Gæðafæðis ehf. (nú Svartá ehf.). Vilmundur er formaður Samtaka atvinnulífsins og hefur setið í stjórn samtakanna. Hann var formaður Samtaka iðnaðarins á árunum 2000 til 2006 og sat í stjórn samtakanna áður. Vilmundur er viðskiptafræðingur frá HÍ.

---