Vodafone

Skilmálar Vodafone vegna leigu/láns á síma:

• Leigutaki hefur fengið að leigu/láni ofangreint símtæki sem er í eigu Og fjarskipta ehf. Leigutaki skal gera athugasemd við ástand símtækis við afhendingu telji hann þess þörf. Geri hann það ekki samþykkir hann ástand þess og ber að skila því í sama ástandi og hann tók við því.
• Leigutaki er ábyrgur fyrir öllu tjóni sem verða kann á símtækinu meðan á leigutíma stendur, eða á meðan það er í vörslu hans. Leigutaki kann einnig að vera ábyrgur fyrir óbeinu tjóni sem leigusali kann að verða fyrir ef tækið skemmist eða eyðileggst á meðan það er í umsjá leigutaka.
• Leigutaka ber að skila leigðu/lánuðu símtæki til Og fjarskipta ehf. þegar símtæki sem í viðgerð var er afhent leigutaka, og eigi síður en 7 dögum eftir afhendingu. Skili leigutaki ekki búnaði innan tilsettra tímamarka mun leigusali senda leigutaka greiðsluseðil fyrir verðmæti símtækisins, skv. verðskrá leigusala.
• Ef hluti símtækis eða fylgihlutir þess, t.d. hleðslutæki, skilar sér ekki þarf leigutaki að greiða andvirði þess sem vantar, skv. verðskrá leigusala.

Skilmálar Vodafone vegna viðgerðarsíma:

• Viðgerð tekur til umbeðinna viðgerða og hugsanlegra hugbúnaðaruppfærslu sé þess þörf að mati tæknimanns. Við hugbúnaðaruppfærslu glatast gögn nema afritunar sé óskað.
• Ábyrgð á tæki gildir í tvö ár frá kaupdegi og tekur hún einungis til bilana sem rekja má til verksmiðjugalla.
• Sími er ekki í ábyrgð gegn högg –og rakaskemmdum. Komi slíkar skemmdir í ljós og viðskiptavinur vill ekki greiða fyrir viðgerð, þarf viðskiptavinur alltaf að greiða skoðunargjald. Skoðunargjald er 2.200 kr.
• Ábyrgðarskírteini þess símtækis sem sent er í viðgerð þarf alltaf að fylgja með.
• Gögn verða einungis afrituð að beiðni viðskiptavinar og eftir því sem við verður komið tæknilega. Athugið að Vodafone ber enga ábyrgð á gögnum glatist þau við afritun eða með öðrum hætt. Afritun gagna kostar 2.200 kr.
• Sé tæki ekki sótt innan þriggja mánaða frá verklokum getur Vodafone ekki ábyrgst afhendingu þess.
• Hreinsunargjald, 5.500 kr., er innheimt þegar um er að ræða hreinsun á síma t.d. vegna bleytu/rakaskemmda. Þetta gjald þarf að greiða hvort sem hreinsun beri árangur eða ekki. Vodafone ber enga ábyrgð á árangri hreinsunarinnar.
• Vilji viðskipavinur fá flýtimeðferð, er greitt sérstaklega fyrir það 2.200 kr.
• Vodafone ber enga ábyrgð á minniskortum símtækja skulu þau því ekki fylgja með símtækjum sem fara í viðgerð.