Sveitabrúðkaup
| Leikstjóri: | Valdís Óskarsdóttir |
| Leikarar: | Björn Hlynur Haraldsson, Ingvar E Sigurðsson, Nanna Kristín Magnúsdóttir |
| Lengd: | 01:35 |
| Flokkur: | Gaman, Íslenskt |
| Verð: | 595 kr. |
| Leyfð: | Öllum aldurshópum |
|
Inga og Barði hafa ákveðið að giftast eftir þriggja ára sambúð. Athöfnin á að fara fram í lítilli sveitakirkju rúmlega klukkutíma keyrslu frá Reykjavík. Inga vill halda í gamlar hefðir og hefur ákveðið að brúðguminn fái ekki að líta brúðina augum fyrr en við altarið. Svo Inga, Barði og gestirnir – það er að segja fjölskyldur, nánir vinir og ekkert sérstaklega nánir og frekar óvelkomnir vinir, leggja af stað í tveimur rútum með kampavín og brúðartertu í farangrinum. Enginn veit nákvæmlega hvar kirkjan er nema Barði sem fékk leiðbeiningar hjá séra Brynjólfi í gegnum síma og það virtist vera tiltölulega bein og auðrötuð leið. Þegar komið er að Hvalfjarðargöngunum kemur í ljós að Barði er með innilokunarkennd og getur ekki farið göngin svo þau keyra Hvalfjörðinn. Komin að Ferstiklu uppgötvar liðið að þau eru á eftir áætlun og ákveða að stytta sér leið yfir Dragháls. Komin útaf þjóðvegi 1 þar sem merkingar eru fáar eða engar er auðvelt að villast þekki maður ekki fjöll eða áttir og á endanum eru brúðkaupsgestirnir rammvilltir og hátíðarskapið sem lagt var upp með á hraðri niðurleið. |
|
| Skoða sýnishorn | |
| Sjá nánar: | |
Hér erum við líka:
Fréttabréf
Viltu fá gagnlegt fréttabréf annað slagið?