Vodafone.is - Leigan

Teiknimynd byggð á samnefndum sjáfsævisögum hinnar Írönsku Marjane Satrapi, sem hafa náð metsölu um allan heim og unnið til fjölda verðlauna.

Marjane er aðeins 9 ára gömul þegara Íslamska byltingin á sér stað í Íran og strangtrúaðir taka öll völd, neyða blæjur á konurnar og fangelsa þúsundir. Hún er hreinskilin, bráðþroska og eldklár og henni tekst að leika á siðgæðis verðina. Hún uppgötvar pönkið, ABBA og Iron Maiden. En þegar frændi hennar er tekinn af lífi á ógnvænlegan hátt og sprengjurnar dynja á Tehran í stíðinu við Írak, smeygir óttinn sér inní líf hennar eins og allra annara í landinu.

Myndin hefur farið mikla sigurför um heiminn. Á Evrópsku kvikmyndaverðlaununum var hún valin besta mynd ársins, á Golden Globe hátíðinni besta erlenda myndin, í Cannes fékk hún verðlaun dómnefndar og svo mætti lengi telja. Myndin var að auki tilnefnd til Óskarsverðlauna sem besta teiknimynd ársins.