Vodafone

Með Vodafone Digital Ísland myndlykli er hægt að ná sjónvarpsmerki í sumarbústaðinn. Ýmist er hægt að taka með sér lykil að heiman eða fá annan lykil hjá okkur til að hafa í sumarbústaðnum.

Þeir sem eru með sjónvarp um ADSL eða ljósleiðara geta fengið Digital Ísland sumarbústaðalykil, en athugið að ekki er hægt að taka Amino-myndlyklana fyrir sjónvarp um ADSL eða ljósleiðara með í sumarbústaðinn.

Til að opna á áskriftina í sumarbústaðnum er um nokkra möguleika að velja.

Áður en lagt er af stað að heiman þarf að muna að taka með sér Vodafone Digital myndlykilinn, fjarstýringu fyrir myndlykilinn og skarttengi. Í sumarbústaðnum þarf að vera UHF greiðuloftnet og sjónvarp til að fá áskriftina inn.

Eftirfarandi áskriftarleiðir eru í boði fyrir sumarbústaðaráskriftir:

1. Taka með sér Digital lykil að heiman í bústaðinn og áskriftakortið úr honum.

• Kostnaður: Enginn
• Láta lykilinn leita sjálfvirkt þegar búið er að tengja hann
• Leita aftur þegar komið er heim.

2. Hafa leigulykil í bústaðnum og fara með áskriftakortið með sér í sumarbústaðinn (Einungis fyrir viðskiptavini með Digital Ísland heima).

• Kostnaður: Leigugjald 590 kr. á mánuði
• Myndlykillinn í sumarbústaðnum verður að vera skráður á sömu kennitölu og lykillinn heima.
• Kortið sett í lykilinn og áskriftin dettur inn allt að 30 mínútum seinna.
• Muna að taka kortið með sér aftur heim.

3. Færa áskrift á milli lykla (vera með myndlykil í sumarbústaðnum).

• Kostnaður: Leigugjald 590 kr. á mánuði
• Hringja í áskriftardeild Stöðvar 2 (s. 5125100 og velja 1) til að færa áskriftina að heiman í sumarbústaðinn.

4. Þriggja daga opnun (vera með myndlykil í sumarbústaðnum).

• Kostnaður: 1090 kr. v. áskriftar + leigugjald 590 kr. á mánuði
• Hringja í áskriftardeild Stöðvar 2 (s. 5125100 og velja 1) og kaupa opnun í þrjá daga.
• Lykillinn er opinn heima á meðan.

5. Föst helgaráskrift (vera með myndlykil í sumarbústaðnum)

• Kostnaður: 2.040 kr. v. áskriftar + leigugjald 590 kr. á mánuði
• Hringja í áskriftardeild Stöðvar 2 (s. 5125100 og velja 1) og kaupa helgaráskrift.
• Opnast sjálfkrafa á myndlykilinn á föstudögum og lokast á sunnudögum.
• Lykillinn er opinn heima á meðan.

Tengingar og leit að stöðvum:

Tengja loftnetið efst til vinstri í Ant-In og skartsnúru úr neðra skarttenginu á lyklinum í sjónvarpið. Næst þarf að láta lykilinn leita sjálfvirkt að sjónvarpsstöðvum. Nánari leiðbeiningar má finna hér.

Þegar búið er að vista stöðvarnar og setja kortið í lykilinn þá getur tekið allt að 30 mín fyrir lykilinn til að sækja stöðvarnar.