Vodafone

Áskrifendur að Vodafone Sjónvarpi hafa möguleika á að bæta aukamyndlykli við áskriftina. Aukamyndlyklar eru góð leið til að forðast togstreitu um fjarstýringuna þegar heimilisfólk hefur mismunandi skoðanir á því hvað skuli horfa á hverju sinni.

Greitt er leigugjald fyrir aukalykla skv. verðskrá. Jafnframt er greitt aukaáskriftargjald til 365 til að fá stöðvar á vegum 365 á aukalykilinn - sjá upplýsingar um aukaáskriftargjald á vef Stöðvar 2. Athugið að speglunarreglur Stöðvar 2 og Skjásins hafa áhrif á það hvaða stöðvar nást á aukalykilinn - sjá nánar neðar á síðunni.

Af tæknilegum ástæðum eru fjöldi og tegund aukalykla í boði mismunandi eftir tegund grunnáskriftar:

Sjónvarp um ADSL:

Einn aukalykill er í boði um loftnet (UHF eða örbylgju). Á svæðum þar sem eingöngu nást sendingar um UHF takmarkast fjöldi stöðva í boði á aukalyklinum við ýmist 9 eða 19 stöðvar. Á þjónustusvæðissíðunni má sjá hvar sent er út á örbylgju, UHF 19 eða UHF 9 - flettu upp þínu byggðarlagi til að sjá hvaða útsendingar eru í boði þar.

Sjónvarp um ljósleiðara:

Tveir aukalyklar eru í boði um ljósleiðara. Á þá nást allar stöðvar sem greidd er áskrift að, óháð speglunarreglum. Einnig er hægt að fá aukalykil um loftnet (UHF eða örbylgju) en um hann gilda speglunarreglur (sjá hér fyrir neðan). Á svæðum þar sem eingöngu nást sendingar um UHF takmarkast fjöldi stöðva í boði á aukalyklinum við ýmist 9 eða 19 stöðvar. Á þjónustusvæðissíðunni má sjá hvar sent er út á örbylgju, UHF 19 eða UHF 9 - flettu upp þínu byggðarlagi til að sjá hvaða útsendingar eru í boði þar.

Sjónvarp um örbylgju (Digital Ísland):

Einn Digital Ísland aukalykill er í boði fyrir þá sem fá sjónvarp um örbylgju. Á þjónustusvæðissíðunni má sjá hvar sent er út um örbylgju.

Sjónvarp um UHF (Digital Ísland):

Einn Digital Ísland aukalykill er í boði fyrir þá sem fá sjónvarp um UHF. Á þjónustusvæðissíðunni má sjá hvar sent er út um UHF og hvaða stöðvar eru í boði í þínu byggðarlagi.

Speglunarreglur:

Vodafone Erlendar stöðvar og allar ólæstar stöðvar nást á aukalyklinum. Til að fá Vodafone erlendar stöðvar á aukalyklinn þarf að ná sjónvarpi um örbylgju (sjá þjónustusvæðissíðuna).

Speglunarreglur Skjásins

Hvorki Skjár Einn né Skjár Golf nást á aukalyklinum.

Speglunarreglur 365

Greiða þarf sérstakt speglunargjald til 365, 755 kr./mán til að fá stöðvar fyrirtækisins á aukalykilinn. Nauðsynlegt er að hafa a.m.k. tvo áskriftarpakka til að spegla stöðvar yfir á aukalykilinn, en athugið að dýrasti áskriftarpakkinn fæst aldrei á aukalyklinum. Stöð 2 og Stöð 2+, Stöð 2 Extra og Stöð 2 Extra+ nást því aldrei á aukalyklinum.

Sem dæmi, ef þú ert með Stöð 2, báða sportpakkana og Fjölvarpspakka færðu allar stöðvar nema Stöð 2 og Stöð 2+ á aukalykilinn. Ef þú ert bara með einn sportpakka og Fjölvarpspakka færðu hins vegar bara Fjölvarpspakkann á aukalykilinn og ef þú ert með Stöð 2 og einn sportpakka færðu bara sportpakkann á aukalykilinn.

Auk hefðbundinna aukalykla geta allir viðskiptavinir með Vodafone Sjónvarp fengið sérstakan sumarbústaðalykil ásamt sumarbústaðaáskrift.