Hvar býrðu?

Settu upp götuna þína og húsnúmer og við sýnum hverju þú getur tengst.

Áfram

Hefurðu einhverjar spurningar um þjónustu eða vörur Vodafone? Hér finnur þú svörin við flestum þeim algengustu.

Reikningar

Allt sem tengist reikningum: Inniheimtuferli, reikningstímabil, útskriftargjald, greiðslufrestur og fleira.

 

Í netverslun okkar geturðu á einfaldan hátt leitað eftir tegund, verði eða eiginleikum símtækja og þannig fundið rétta símann sem hentar þér.

Við erum með eitt mesta úrval landsins. Kíktu líka við í verslunum okkar.

Vodafone Sjónvarp

- hvað má bjóða þér?

Móttaka um ADSL, ljósnet- eða ljósleiðara:
Digital Ísland með örbylgjuloftneti eða greiðu:
Háskerpu- myndlykill Nánar
1.280 kr.
 
Myndlykill Nánar
  • Yfir 100 stöðvar
  • Leigan
  •  
790 kr.
Háskerpu- myndlykill Nánar
  • Yfir 70 stöðvar
  •  
    Eingöngu um örbylgju
  • Í boði á suðvestur horni landsins
1.180 kr.
Myndlykill
eða sjónvarpskort Nánar
  • Yfir 70 stöðvar
  • Færri stöðvar með móttöku um UHF loftnet
  • Í boði um allt land
     
690 kr.

Einn Digital Ísland aukamyndlykill er fáanlegur fyrir ADSL-, ljósnets- og ljósleiðaratengingar á 0 kr.

Háskerpa er ekki í boði með móttöku um UHF loftnet.

Þríburi

  • Stöðvar

    Allar íslensku og yfir 100 erlendar stöðvar.

  • Leigan

    Fáðu aðgang að myndleigu með bíómyndum og frelsisþjónustu.

  • Í sumarbústaðinn

    Taktu myndlykilinn með þér í bústaðinn.

Bloggið

Við höfum útbúið 6 myndbönd sem sýna hvernig sjónvarpsviðmót okkar um ljósleiðara, ljósnet og ADSL virkar. Skoða á YouTube.

Spurt & svarað

Algengar spurningar

  • Hvernig loftnet þarf til að ná útsendingu Digital Ísland?

    Digital Ísland sendir bæði út á Örbylgju (SV-hornið og hluti Suðurlands) og eins á UHF bandi um allt land.

    Þar sem viðskiptavinir ná örbylgjuútsendingum geta þeir notað örbylgjugreiður (MMDS loftnet) og þar er mest framboð sjónvarpsstöðva.

    Til að ná UHF útsendingum Digital Ísland þarf UHF loftnet (hefðbundið loftnet, ekki örbylgjugreiðu).

    Framboð stöðva á UHF kerfum Digital Íslands er takmarkaður við 8 eða 19 stöðvar eftir svæðum. Fyrirhuguð stækkun kerfisins fram til ársloka 2014 mun auka stöðvaframboð á UHF dreifikerfinu

    Loftnet geta verið mismunandi að gæðum og gildir því sú regla að því tæpara merki sem viðkomandi nær (td ef búseta er langt frá sendi eða í skugga) því betra loftnet þarf. Lágsuðs loftnetsmagnarar geta oft á tíðum bætt móttöku merkja til muna þar sem tæpt er.


    Loftnetin fást hjá raftækja- og loftnetsverslunum. Vodafone veitir ekki loftnetsþjónustu.

  • Hvar panta ég áskrift að sjónvarpsstöðvum?

    Viðskiptavinir í Vodafone Gull geta fengið áskrift að stöðvapakkanum Vodafone Erlendar stöðvar í verslunum og þjónustuveri Vodafone, 1414 eða með netspjalli.
    Nánar um Vodafone erlendar stöðvar.

    Áskrift að Stöð 2 og aukastöðvum, sportstöðvum Stöðvar 2 og erlendum sjónvarpsstöðvum (Stöð 2 Fjölvarp) má kaupa í verslunum Vodafone, áskriftarþjónustu Stöðvar 2 í síma 512-5100 og á áskriftarvef Stöðvar 2. Nánar um áskriftir hjá Stöð 2.

    Áskrift að SkjáEinum og SkjáGolf má panta á vef Skjásins og í áskriftarsíma Skjásins, 595 6000

     

  • Hvaða búnað þarf ég til að ná útsendingunum?

    Til að ná stafrænum útsendingum þarf stafrænan búnað. Hjá Vodafone geturðu fengið Digital Ísland myndlykil eða CAM-kort sem hægt er að setja í mörg nýrri sjónvörp.

    Þegar þú kaupir áskrift að pakka á Vodafone Sjónvarpi Digital færð þú stafrænan myndlykil. Sért þú ekki með áskrift að neinum stöðvum getur þú leigt myndlykil gegn vægu gjaldi til að geta notið stafrænna gæða á fríum stöðvum (RÚV, ÍNN o.fl.).

    Á höfuðborgarsvæðinu, Reykjanesi og hluta suðurlands er hægt að nota venjulegt UHF-loftnet en til að ná öllum stöðvum þarf örbylgjuloftnet. Annars staðar, þar sem útsending er á UHF tíðni, dugir venjulegt UHF-loftnet.

    Til að sjá hvaða stöðvar eru í boði fyrir þig getur þú flett upp þínum heimabæ hér.

  • Hvaða sjónvarpsstöðvum næ ég?

    Hægt er að sjá lista yfir þær sjónvarpsstöðvar sem í boði eru hér. Upplýsingar um áskrift má finna hér.

    Viðskiptavinir í Vodafone Gull geta fengið 6 erlendar stöðvar á sérstökum Gull-kjörum.  

  • Hvar fæ ég nýjan myndlykil?

    Hægt er að nálgast stafræna myndlykla í næstu Vodafone verslun og hjá umboðsmönnum Vodafone Digital Íslands um land allt.

    Þegar þú sækir nýjan myndlykil er gott ráð að skila þeim gamla ef að er ætlunin, koma þá með lykilinn og fjarstýringuna með þér.

    Mjög lítið framboð er á Digital Ísland HD lyklum en oft eru sjónvörp með rauf fyrir Cam-Kort og innbyggðum HD-móttakara sem leysir HD lyklana af hólmi.

    Allar frekari upplýsingar geturðu fengið í síma 1414 eða á netspjallinu.

  • Hvað er Vodafone Sjónvarp?

    Vodafone Sjónvarp er stafrænt sjónvarpsdreifikerfi Vodafone á Íslandi. Vodafone Sjónvarp má fá annars vegar með UHF- eða örbylgjusendingum um loftnet og kallast þá Vodafone Sjónvarp - Digital (einnig kallað Digital Ísland).

    Vodafone Sjónvarp má einnig fá gegnum ADSL- eða ljósleiðaratengingar en þá fæst jafnframt aðgangur að Leigunni, þar sem hægt er að panta sjónvarpsefni af ýmsu tagi. Nánari upplýsingar um Vodafone Sjónvarp og hvaða þjónustuleiðir standa þér til boða má finna hér.

  • Hvernig stilli ég stöðvar inn á myndlykilinn?

    Ýtt á Menu á fjarstýringunni, flett á sjálfvirka leit og ýtt á OK. Ef beðið er um pin nr þá er það 0000. Þá kemur upp rammi með Kerfisleit af Leitartegund allt. Þessu þarf ekki að breyta heldur bara ýta á OK og þá byrjar lykillinn að leita að stöðvum.

    Ekki þarf að ýta á neitt fyrr en það kemur á skjáinn Leit Lokið, ýtt er þá 3x á OK takkann til að vista og þá kemur aðalvalmynd aftur upp og þá er ýtt á Exit.

    Ef engar stöðvar fundust er mögulegt að loftnetið sé ekki rétt tengt við myndlykilinn. Ef að það kemur ,,Lokuð Rás" á stöð sem þú ert með áskrift af, er best að hafa samband við okkur í 1414 eða á netspjallinu.

    Sért þú með Amino myndlykil (móttaka um ADSL- eða ljósleiðaratengingu) koma nýjar stöðvar inn sjálfkrafa eða þegar þú endurræsir myndlykilinn.

    EF Amino festist í myndlykill ræsir sig er ekki netsamband á lyklinum. þá þarf að fara yfir tengingar.

  • Hverjir geta fengið sumarbústaðarlykil?

    Nokkrar áskriftarleiðir eru í boði fyrir sumarbústaðaráskriftir. Yfirlit yfir þær má finna hér.

    356 miðlar (þjónustuver þeirra er með símann 512 5100) sjá um opnun á sumarbústaðarlyklum en Vodafone sér um að afhenda þá. Vodafone sér ekki um að færa áskrift á milli myndlykla. Öll umsýsla með áskriftir fer í gegnum 365 miðla.

     

  • Ég fæ bara lokuð rás

    Ef það er búið að greiða fyrir áskriftina að viðkomandi stöð þá þarf að hafa samband við Vodafone í síma 1414 eða á netspjallinu.

    Ef allar rásir sýna "lokuð rás" athugið þá hvort loftnetsmerkið er til staðar með því að styðja á bláa takkann. Þá kemur S og Q mæling neðst á skjáinn. Ef S og Q er 0% athugið þá hvort loftnetssnúran sé í sambandi við myndlykilinn. Lág gildi á S og Q benda til að annað hvort viðkomandi loftnetskerfi eða útsending hafi bilað.


  • Ég fæ mjög óskýra mynd

    Þegar þú tengir myndlykilinn við sjónvarpið eingöngu með RF snúru (loftnetssnúru) þá skila myndgæði sér ekki eins vel í sjónvarpið og þegar notuð er SCART eða RCA snúra.

    Við mælum því með að notuð sé SCART snúra (eða RCA) þar sem því verður komið við. Einnig gæti verið að myndgæði batni til muna þegar skipt er um útgangsrás á lyklinum:

    1. Menu
    2. Uppsetning
    3. RF útgangsrás (PIN númer = 0000)
    4. Það hægt að færa útgangsrásina frá 33 yfir á t.d. 35 (hún má vera frá 21-45)

    Svo er bara um að gera að prófa næstu útgangsrás og athuga hvort myndin lagist. Athugaðu að þá þarf að láta sjónvarpið finna myndlykilinn á nýju rásinni.

  • Ég fæ „No signal / Ekkert merki“

    Styðjið á bláa takkann á fjarstýringunni og ath S og Q %.  Ef S og Q er 0% ath þá hvort loftnetssnúran er tengd við myndlykilinn. Ef S og Q gildin eru lág þá getur viðkomandi loftnetskerfi eða útsending hafa bilað.

    Prófaðu að taka myndlykilinn úr sambandi í 30 sekúndur og stinga honum svo aftur í samband. Því næst ferðu í sjálfvirku leitina (Menu -> Sjálfvirk leit) og leyfir myndlyklinum að rúlla í gegnum það.

    Ef það leysir ekki vandann þá þarf að skoða eftirfarandi hluti.
    1. Er myndlykill rétt tengdur
    2. Skipta út loftnetssnúru frá vegg í myndlykil.
    3. Mögulega bilaður myndlykill.
    4. Mögulega bilað loftnet.

  • Ég fæ „Scrambled channel“

    Það þýðir að myndlykillinn nær ekki að lesa áskrift af kortinu. Fyrir þessu eru aðallega 2 ástæður:

    1. Þegar nýr myndlykill er settur í samband eða nýtt kort í myndlykil tekur alla jafna um 30-60 mín fyrir áskrift að opnast og kemur þá Scrambled Channel á skjáinn á meðan.

    2. Ýtið á Menu á fjarstýringunni fyrir myndlykilinn og veljið Aðgangskerfi á skjánum
          Þarna inni á að standa CAS RAUF 1: CONAX CA

    Ef eitthvað annað stendur þar þá þarf að taka kortið út úr lyklinum og þurrka af því. Einnig má prófa að blása í kortarauf myndlykilsins og setja kortið aftur inn. Ef það gengur ekki er rétt að hafa samband í 1414 eða á netspjallinu.

    Ef myndin lagast ekki eftir samtal við þjónustufulltrúa er næsta skref að skipta kortinu út í næstu verslun Vodafone eða hjá næsta umboðsmanni.

  • Hvað getur valdið truflunum á loftneti?

    Helstu þættir sem geta valdið truflunum á móttöku sjónvarpsmerkja um loftnet eru:

    * Ef raki kemst í loftnetskapalinn eða loftnetið sjálft getur það haft truflandi áhrif á móttökugæðin.

    * Eitthvað skyggir á sendinn, t.a.m. tré eða byggingar.

    * Sé merki tæpt geta truflanir orðið vegna veðurs (sérstaklega mikillar snjókomu eða rigningar).

    * Einnig getur valdið vandamálum þegar merki berst yfir sjó (t.d. á Suðurnesjum frá aðalsendi örbylgjunnar). Við ákveðin skilyrði getur endurkast frá sjó borist í loftnetið ásamt merkinu frá sendinum, þetta getur valdið tímabundnum truflunum.

    * Truflanir geta verið frá einhverju tæki sem notar örbylgjutíðni, t.d. þráðlausum tengingum, örbylgjuofni eða öðru þvíumlíku (gildir aðeins um móttöku frá örbylgjuloftnetum).

    * Spennugjafar fyrir örbylgjuloftnet geta bilað. Lýsir sér oft í truflunum þegar mest rafnotkun er, t.d. í kringum kvöldmatarleytið.

    Í þeim tilvikum sem merki loftnetsins berst til myndlykilsins um loftnetskerfi fjölbýlishúss getur lofnetskerfið verið að valda truflunum. Tengi geta verið biluð eða komið slit í þau. Of sterkt merki getur valdið truflunum.

  • Ég fæ „Smartcard wrong inserted“

    Prófaðu að taka myndlykilinn úr sambandi í 30 sekúndur og stinga honum svo aftur í samband.

    Ef ekkert breytist við það, þá er líklegt að smartkortið snúi vitlaust í lyklinum.

    Á venjulegum Digital Ísland myndlykli þá á gullkubburinn að snúa niður. Á upptökulykli (PVR) og háskerpulykli (HD) þá á gullkubburinn að snúa upp.

    Einnig getur drulla á örgjörvanum valdið. Það má þurrka varlega yfir örgjörvann með rakri tusku.

    Ef vandamál er enn til staðar þá þarf að skipta út búnaði.

  • Get ég horft á háskerpuútsendingar í sjónvarpinu mínu?

    Til að horfa á háskerpuútsendingar þarftu sérstakan háskerpumyndlykil hjá Vodafone og örbylgjuloftnet (á Akureyri þarf aðeins UHF loftnet).

    Tveir aðrir möguleikar eru til á að ná háskerpuútsendingum: Annars vegar CAM-sjónvarpskort, ef sjónvarpið þitt getur tekið við slíku korti, eða sjónvarpsaðgangur gegnum adsl eða ljósleiðara. Sjá nánar um möguleikana hér.

    Til að njóta gæðanna til fulls þarftu háskerpusjónvarp (HD eða HD ready) og þú getur leitað upplýsinga um þitt tæki hjá þeim sem seldi þér tækið.  

  • Hvaða stöðvar eru sendar út í háskerpu?

    Háskerpustöðvar í Vodafone Sjónvarpi um ADSL og Ljósleiðara eru í dag 6 talsins:

    Rás 16. Stöð 2 Sport HD
    Rás 17. Stöð 2 Sport 2 HD 
    Rás 501. RÚV HD
    Rás 502. Stöð 2 HD
    Rás 507. Skjár Einn HD
    Rás 528. Skjár Golf HD 

    Háskerpustöðvar á Digital Ísland - Örbylgjukerfi eru þrjár talsins:
    Rás 15. Stöð 2 HD
    Rás 16. Stöð 2 Sport HD
    Rás 17. Stöð 2 Sport 2 HD

    Til að ná háskerpurásum á Digital Ísland kerfinu þarf HD myndlykil eða háskerpusjónvarp með CAM-korti.

    Efnisframboð í háskerpu er mismunandi milli sjónvarpsstöðva en upplýsingar um hvaða efni er sent út í háskerpu má nálgast hjá sjónvarpsstöðvunum sjálfum. 

  • Hvar eru háskerpuútsendingar í boði?

    Háskerpuútsendingar Digital Ísland eru í boði þar sem örbylgjuútsendinga nýtur við á Suðvesturhorni landsins og einnig þar sem Vodafone Sjónvarp um Adsl eða Ljósleiðara er í boði.

    Háskerpuútsendingar eru einnig í boði á Akureyri. 

    Þú getur séð hvaða möguleikar eru í boði í þínu byggðarlagi með því að velja það úr listanum hér. Þú getur jafnframt séð hvort þitt heimili sé tengt ljósleiðara með því að fletta því upp hér

  • Eru háskerpulyklarnir með myndmótara?

    Digital Ísland háskerpumyndlyklar Vodafone eru ekki með myndmótara.

    Það þýðir að myndin frá lyklunum er ekki að mótast inn á loftnetskerfi notandans. Myndin fæst bara með Scart, HDMI tengi (Composite fyrir þá sem ekki nota HDMI) eða RCA tengi.

     

  • Hvar fæ ég háskerpumyndlykil?

    Þú færð háskerpumyndlykla fyrir Digital Ísland, CAM-kort eða háskerpumyndlykil fyrir adsl og ljósleiðara í næstu verslun Vodafone.

    Athugaðu þó að framboð á Digital Ísland háskerpulyklum er mjög takmarkað og því rétt að kanna birgðastöðu verslana með því að hafa samband í síma 1414 eða á netspjallinu.

     

  • Ég fæ bara svarthvíta mynd

    Ef sjónvarpið þitt sýnir allt svarthvítt úr Digital Ísland myndlyklinum skalt þú prófa að ýta á P.STD takkann á fjarstýringunni og skipta yfir á PAL eða sjálfvirkt.

    Ef það virkar ekki og þú ert með afruglarann tengdan í sjónvarp með skarttengi þá geturðu prófað að fara í (Menu -> Uppsetning -> Scart út) og skipta um stillingu.
     
    Einnig getur þú líka kannað hvort scarttengið sé alveg fast í tengi á annaðhvort sjónvarpi eða afruglara.

  • Hvar fæ ég loftnetsþjónustu?

    Á vefsíðu Samtaka rafverktaka (SART) getur þú séð lista yfir fyrirtæki sem sinna loftnetsþjónustu. Fjölmörg fyrirtæki að auki selja loftnet og lagnaefni fyrir uppsetningar á loftnetskerfum. Hægt er að leita upplýsinga um þau t.d. hjá Já.is

  • Hvað er PIN númerið?

    PIN númerið er 0000 í upphafi.

    Það er hægt að breyta því.
    1. Menu
    2. Uppsetning
    3. 0000
    4. Breyta PIN-Númeri
    5. Hægri píla
    6. Slærð inn gildandi PIN-Númer (0000)
    7. Nýtt PIN-Númer
    8. Staðfesta
    9. Exit

  • Hverni tengi ég myndbandstæki við myndlykilinn?

    Hægt er að nálgast leiðbeiningar fyrir það með að smella hér
  • Hvernig endurraða ég stöðvalistanum?

    Veljið MENU á fjarstýringu og farið svo eftir skrefunum hér að neðan:

    1. Veljið Endurraða stöðvalista.
    2. PIN: 0000 (nema þú sért búinn að breyta því).
    3. Ýtt á rauða takkann (SUB-T)
    4. Veljið svo hreyfa með OK takkanum.
    5. Farið með örina á stöðina sem á að færa til og ýtið á OK (bæta við vallista)
    6. Ýtið á bláa takkann (hreyfa)
    7. Færið píluna upp á þá rás sem óskað er eftir og ýtið á OK.
    8. Ýtið svo á Exit, veljið OK við spurningu um hvort eigi að vista. Endurtakið til að raða fleiri stöðvum.
  • Hvernig læsi ég einstaka stöðvum?

    1. Veldu Menu.
    2. Veldu Endurraða stöðvalista og ýttu á Ok.
    3. Sláðu inn leyninúmer (0000)
    4. Ýttu á rauða takkann (fara í vallista)
    5. Veldu Læsa (með örvunum) og ýttu á Ok.
    6. Finndu þá stöð sem þú vilt læsa og smelltu á Ok, þá á sú stöð að fara yfir í hægri gluggann.
    7. Stöðin er læst, því næst geturu ýtt á Exit.
    8. Ýttu á Ok (viltu vista) Nú ætti viðkomandi stöð að vera læst og biður um PIN-númerið til að opna hana.

    Við mælum með því að þú breytir PIN númerinu þínu úr 0000 í einhverja aðra fjögurra stafa talnarunu. Það er gert svona:

    1. Menu
    2. Uppsetning og slærð inn gildandi PIN-Númer (0000).
    4. Breyta PIN-Númeri.
    5. Ýtir á hægri pílu.
    6. Slærð inn gildandi PIN-Númer (0000).
    7. Stimplar inn nýja PIN-Númerið.
    8. Staðfestir með Ok takkanum.
  • Hvernig næ ég stöðvunum inn á sjónvarpið mitt?

    Ef þú ert í vandræðum með að horfa á dagskrá í gegnum sjónvarpið sjálft (þ.e. þegar ekki er stillt á myndlykilinn) þarf að setja "loopu" á myndlykilinn.

    Það þarf að setja eina loftnetsnúru í loop götin aftan á myndlyklinum. Inn á "ant inn" (ekki þar sem myndin af loftnetinu er heldur við hlið þess) og inn á "loop through" sem er ská fyrir neðan.

    Þegar búið er að gera þetta þá áttu að ná stöðvum eins og Rúv á sjónvarpinu sjálfu. Þú þarft þá að skipta yfir á sjónvarpið til að horfa á þær.

    Hægt er að sjá mynd af loopu hér.

  • Hvernig tengi ég saman aðallykil, aukalykil og myndbandstæki?

    Hægt er að nálgast leiðbeiningar fyrir það með því að smella hér
  • Hvernig virkar fjarstýringin?

    Með því að smella hér sérðu ítarlega mynd sem sýnir hvernig fjarstýringin fyrir hefðbundinn lykil og háskerpumyndlykil virkar.

    Með því að smella hér sérðu fjarstýringuna fyrir upptökulykil.

  • Helstu eiginlegar upptökulykilsins

    Hér má sjá lista yfir helstu eiginlega PVR lykilsins.

    • Þú getur hakað í það sem þú vilt taka upp fram í tímann og lykillinn sér um að taka það upp fyrir þig.
    • Upptökulykillinn getur tekið upp á tveimur stöðvum meðan horft er á þá þriðju.
    • Lykillinn er með 160GB harðan disk sem skiptist í 100GB fyrir upptöku og 60GB fyrir "Pay per view" sjónvarp.
    • Hægt að taka upp í allt að 50 klukkustundir.
    • Hægt að setja á pásu alveg upp í klukkustund.
    • Hægt að spóla tilbaka allt að klukkustund í tímann (Svo framarlega sem ekki er skipt um rás á þeim tíma)
    • Upptakan geymist í 6 mánuði
  • Hvernig virkar upptökulykill?

    Með Digital Ísland upptökumyndlyklinum getur þú tekið stjórnina á sjónvarpinu þínu. Þú getur sett á pásu þegar þú horfir á sjónvarpið og spólað fram og til baka í upptökunni.

    Horfðu á tvær stöðvar í einu með mynd-í-mynd (tveir móttakarar) og færðu myndina til á skjánum eins og þér hentar.

    Stilltu upptöku fram í tímann og horfðu á upptekið efni allt að þremur vikum síðar. Upptökulykillinn er einnig með yfirliti yfir dagskrána hverju sinni með svokallað EPG-Grid.

  • Hvar fæ ég upptökumyndlykil?

    Upptökumyndlyklar eru uppseldir hjá Vodafone og verða ekki pantaðir inn aftur. Ef þú ert ekki nú þegar með slíkan lykil getum við því miður ekki boðið hann.

  • Hvað get ég tekið upp margar klukkustundir af efni?

    Harði diskurinn sem er í upptökulyklinum er 160 GB.

    100 GB sem hægt er að nýta til upptöku og 60 GB sem eru nýtt í "Pay per view" sjónvarp.

    Það eru allt að 50 klukkustundir af efni.

Aðstoð

Þín ánægja er okkar markmið

Vantar þig aðstoð eða upplýsingar um heimasíma, farsíma, internet eða sjónvarp? Veldu þá leið sem hentar þér best.

Þjónustusvæði innanlands

Kíktu á þjónustusvæðið okkar, en þar getur þú séð frábæra dreifingu GSM þjónustusvæðis okkar og jafnframt hvar 3G samband er í boði.

Netspjall / Panta símtal / Fyrirspurn