Vodafone

Digital Ísland sendir bæði út á Örbylgju (SV-hornið og hluti Suðurlands) og eins á UHF bandi um allt land.

Þar sem viðskiptavinir ná örbylgjuútsendingum geta þeir notað örbylgjugreiður (MMDS loftnet) og þar er mest framboð sjónvarpsstöðva.

Til að ná UHF útsendingum Digital Ísland þarf UHF loftnet (hefðbundið loftnet, ekki örbylgjugreiðu).

Framboð stöðva á UHF kerfum Digital Íslands er takmarkaður við 8 eða 16 stöðvar eftir svæðum.

Loftnet geta verið mismunandi að gæðum og gildir því sú regla að því tæpara merki sem viðkomandi nær (td ef búseta er langt frá sendi eða í skugga) því betra loftnet þarf. Lágsuðs loftnetsmagnarar geta oft á tíðum bætt móttöku merkja til muna þar sem tæpt er.

Loftnetin fást hjá raftækja- og loftnetsverslunum.

Vodafone Sjónvarp er stafrænt sjónvarpsdreifikerfi Vodafone á Íslandi. Vodafone Sjónvarp má fá annars vegar með UHF- eða örbylgjusendingum og kallast þá Vodafone Sjónvarp - Digital (einnig kallað Digital Ísland).

Vodafone Sjónvarp má einnig fá gegnum ADSL- eða ljósleiðaratengingar en þá fæst jafnframt aðgangur að Leigunni, þar sem hægt er að panta sjónvarpsefni af ýmsu tagi. Nánari upplýsingar um Vodafone Sjónvarp og hvaða þjónustuleiðir standa þér til boða má finna hér.

Nokkrar mismunandi áskriftarleiðir eru í boði fyrir sumarbústaðaráskriftir. Yfirlit yfir þær má finna hér.

356 miðlar (þjónustuver þeirra er með símann 512 5100) sjá um opnun á sumarbústaðarlyklum en Vodafone sér um að afhenda þá.

 

Þegar þú tengir myndlykilinn við sjónvarpið eingöngu með RF snúru (loftnetssnúru) þá skila myndgæði sér ekki eins vel í sjónvarpið og þegar notuð er SCART eða RCA snúra.

Við mælum því með að notuð sé SCART snúra (eða RCA) þar sem því verður komið við. Einnig gæti verið að myndgæði batni til muna þegar skipt er um útgangsrás á lyklinum:

1. Menu
2. Uppsetning
3. RF útgangsrás (PIN númer = 0000)
4. Það hægt að færa útgangsrásina frá 33 yfir á t.d. 35 (hún má vera frá 21-45)
Svo er bara um að gera að prófa næstu útgangsrás og athuga hvort myndin lagist.

Styðjið á bláa takkann á fjarstýringunni og ath S og Q %.  Ef S og Q er 0% ath þá hvort loftnetssnúran er tengd við myndlykilinn. Ef S og Q gildin eru lág þá getur viðkomandi loftnetskerfi eða útsending hafa bilað.

Prófaðu að taka myndlykilinn úr sambandi í 30 sekúndur og stinga honum svo aftur í samband. Því næst ferðu í sjálfvirku leitina (Menu -> Sjálfvirk leit) og leyfir myndlyklinum að rúlla í gegnum það.

Ef það leysir ekki vandann þá þarf að skoða eftirfarandi hluti.
1. Er myndlykill rétt tengdur
2. Skipta út loftnetssnúru frá vegg í myndlykil.
3. Mögulega bilaður myndlykill.
4. Mögulega bilað loftnet.

Það þýðir að myndlykillinn nær ekki að lesa áskrift af kortinu. Fyrir þessu eru aðallega 2 ástæður:

1. Þegar nýr myndlykill er settur í samband eða nýtt kort í myndlykil tekur alla jafna um 30-60 mín fyrir áskrift að opnast og kemur þá Scrambled Channel á skjáinn á meðan.

2. Ýtið á Menu á fjarstýringunni fyrir myndlykilinn og veljið Aðgangskerfi á skjánum
      Þarna inni á að standa CAS RAUF 1: CONAX CA

Ef eitthvað annað stendur þar þá þarf að taka kortið út úr lyklinum og þurrka af því. Einnig má prófa að blása í kortarauf myndlykilsins og setja kortið aftur inn. Ef myndin lagast ekki við það er næsta skref að skipta kortinu út í næstu verslun Vodafone eða hjá næsta umboðsmanni.

Prófaðu að taka myndlykilinn úr sambandi í 30 sekúndur og stinga honum svo aftur í samband.

Ef ekkert breytist við það, þá er líklegt að smartkortið snúi vitlaust í lyklinum.

Á venjulegum Digital Ísland myndlykli þá á gullkubburinn að snúa niður. Á upptökulykli (PVR) og háskerpulykli (HD) þá á gullkubburinn að snúa upp.

Ef vandamál er enn til staðar þá þarf að skipta út búnaði.

Háskerpuútsendingar Digital Ísland eru í boði þar sem örbylgjuútsendinga nýtur við á Suðvesturhorni landsins og einnig þar sem hægt er að tengjast ljósleiðara.

Háskerpuútsendingar eru einnig í boði á Akureyri. 

Þú getur séð hvaða möguleikar eru í boði í þínu byggðarlagi með því að velja það úr listanum hér. Þú getur jafnframt séð hvort þitt heimili sé tengt ljósleiðara með því að fletta því upp hér. 

Tvær stöðvar eru sendar út í háskerpu á Digital Ísland. Annars vegar er um að ræða Stöð 2 Sport HD, sem sýnir valda leiki úr enska boltanum í háskerpu.

Hins vegar sjónvarpsstöðina National Geographic HD, þar sem áhersla er lögð náttúrulífs- og fræðsluefni af ýmsu tagi. Kaupa þarf áskrift að þessum stöðvum hjá Stöð 2, nánari upplýsingar hér.

Háskerpumyndlyklar eru uppseldir hjá Vodafone og verða ekki pantaðir aftur inn. Ef þú átt ekki nú þegar slíkan myndlykil er einfaldasta leiðin til að ná HD-útsendingu að fá hana í gegnum ljósleiðaratengingu.

 

Á vefsíðu Samtaka atvinnurekenda í raf- og tölvuiðnaði (SART) getur þú séð lista yfir fyrirtæki sem sinna loftnetsþjónustu. Fjölmörg fyrirtæki að auki selja loftnet og lagnaefni fyrir uppsetningar á loftnetskerfum. Gulu síðurnar á Já og Gula línan geta gefið upplýsingar um þessar verslanir.

PIN númerið er 0000.

Það er hægt að breyta því.
1. Menu
2. Uppsetning
3. 0000
4. Breyta PIN-Númeri
5. Hægri píla
6. Slærð inn gildandi PIN-Númer (0000)
7. Nýtt PIN-Númer
8. Staðfesta
9. Exit

Hægt er að nálgast leiðbeiningar fyrir það með að smella hér

Veljið MENU á fjarstýringu og farið svo eftir skrefunum hér að neðan:

1. Veljið Endurraða stöðvalista.
2. PIN: 0000 (nema þú sért búinn að breyta því).
3. Ýtt á rauða takkann (SUB-T)
4. Veljið svo hreyfa með OK takkanum.
5. Farið með örina á stöðina sem á að færa til og ýtið á OK (bæta við vallista)
6. Ýtið á bláa takkann (hreyfa)
7. Færið píluna upp á þá rás sem óskað er eftir og ýtið á OK.
8. Ýtið svo á Exit, veljið OK við spurningu um hvort eigi að vista. Endurtakið til að raða fleiri stöðvum.

1. Veldu Menu.
2. Veldu Endurraða stöðvalista og ýttu á Ok.
3. Sláðu inn leyninúmer (0000)
4. Ýttu á rauða takkann (fara í vallista)
5. Veldu Læsa (með örvunum) og ýttu á Ok.
6. Finndu þá stöð sem þú vilt læsa og smelltu á Ok, þá á sú stöð að fara yfir í hægri gluggann.
7. Stöðin er læst, því næst geturu ýtt á Exit.
8. Ýttu á Ok (viltu vista) Nú ætti viðkomandi stöð að vera læst og biður um PIN-númerið til að opna hana.

Við mælum með því að þú breytir PIN númerinu þínu úr 0000 í einhverja aðra fjögurra stafa talnarunu. Það er gert svona:

1. Menu
2. Uppsetning og slærð inn gildandi PIN-Númer (0000).
4. Breyta PIN-Númeri.
5. Ýtir á hægri pílu.
6. Slærð inn gildandi PIN-Númer (0000).
7. Stimplar inn nýja PIN-Númerið.
8. Staðfestir með Ok takkanum.

Ef þú ert í vandræðum með að horfa á dagskrá í gegnum sjónvarpið sjálft (þ.e. þegar ekki er stillt á myndlykilinn) þarf að setja "loopu" á myndlykilinn.

Það þarf að setja eina loftnetsnúru í loop götin aftan á myndlyklinum. Inn á "ant inn" (ekki þar sem myndin af loftnetinu er heldur við hlið þess) og inn á "loop through" sem er ská fyrir neðan.

Þegar búið er að gera þetta þá áttu að ná stöðvum eins og Rúv á sjónvarpinu sjálfu. Þú þarft þá að skipta yfir á sjónvarpið til að horfa á þær.

Hægt er að sjá mynd af loopu hér.

Hægt er að nálgast leiðbeiningar fyrir það með því að smella hér

Með því að smella hér sérðu ítarlega mynd sem sýnir hvernig fjarstýringin fyrir hefðbundinn lykil og háskerpumyndlykil virkar.

Með því að smella hér sérðu fjarstýringuna fyrir upptökulykil.

Harði diskurinn sem er í upptökulyklinum er 160 GB.

100 GB sem hægt er að nýta til upptöku og 60 GB sem eru nýtt í "Pay per view" sjónvarp.

Það eru allt að 50 klukkustundir af efni.

Með Digital Ísland upptökumyndlyklinum getur þú tekið stjórnina á sjónvarpinu þínu. Þú getur sett á pásu þegar þú horfir á sjónvarpið og spólað fram og til baka í upptökunni.

Horfðu á tvær stöðvar í einu með mynd-í-mynd (tveir móttakarar) og færðu myndina til á skjánum eins og þér hentar.

Stilltu upptöku fram í tímann og horfðu á upptekið efni allt að þremur vikum síðar. Upptökulykillinn er einnig með yfirliti yfir dagskrána hverju sinni með svokallað EPG-Grid.