Heimsfrumsýning í Leigunni
Það verður stórviðburður í Vodafone Sjónvarpi á föstudaginn, en þá verður grínmyndin Tim and Eric’s Billion Dollar Movie heimsfrumsýnd í Leigunni.
Myndin verður ekki frumsýnd í kvikmyndahúsum hér á landi eða í Bandaríkjunum fyrr en 2. mars. Heimsfrumsýningin fer hins vegar fram á stafrænum myndbandaleigum næstkomandi föstudag, 27. janúar, og verður Ísland eina landið utan Bandaríkjanna sem tekur þátt í viðburðinum.
Þetta er í fyrsta sinn sem bandarísk Hollywood-kvikmynd er frumsýnd með þessum hætti og enn eitt dæmi um hversu öflugar og mikilvægar stafrænar myndbandaleigur á borð við Leiguna hjá Vodafone eru orðnar. Sífellt fleiri nýta sér þennan einfalda og þægilega möguleika til að horfa á kvikmyndir og þætti og greinilegt að framleiðendur í Hollywood eru farnir að leggja meiri áherslu á þessa dreifileið fyrir kvikmyndir sínar.
Snarklikkuð grínmynd
Tim and Eric’s Billion Dollar Movie er með rugludöllunum Tim Heidecker og Eric Wareheim sem hafa slegið rækilega í gegn vestra í sjónvarpsþáttunum Tim and Eric Awesome Show, Great Job! Í öðrum aðalhlutverkum eru stórstjörnurnar Will Ferrell, Zach Galifianakis, John C Reilly og Jeff Goldblum.
Ekki missa af þessu – kíkið á Leiguna í Vodafone Sjónvarpi á föstudaginn og takið þátt í heimsviðburði!
Athugasemdir