Vodafone EM stöðin í loftið
Strákarnir okkar verða í eldlínunni á EM í handbolta í Serbíu næstu vikurnar. Á meðan EM stendur yfir munum við senda út Vodafone EM, sérstaka sjónvarpsstöð sem sendir út fjölda handboltaleikja dag hvern.
Vodafone, í samstarfi við RÚV, verður með sérstaka Vodafone EM sjónvarpsrás þar sem sendir verða út fjölmargir leikir í opinni dagskrá. Vodafone EM stöðin verður aðgengileg á rás 97 hjá þeim sem eru með Vodafone Sjónvarp um ADSL, ljósleiðara eða örbylgju en dagskrá hennar verður einnig send út í háskerpu á rás 96 hjá þeim sem geta náð slíkum útsendingum (nánar um HD útsendingar okkar).
Vodafone EM stöðin er viðbót við handboltaumfjöllun RÚV á meðan á mótinu stendur, en leikir íslenska landsliðsins verða sendir út á hefðbundinni rás RÚV en í háskerpu á Vodafone EM HD stöðinni.
Á Vodafone EM stöðinni eru líka sýndir aðrir leikir sem RÚV hefur rétt á að sýna og verða framan af móti að jafnaði sýndir 2-3 leikir á dag. Í þeim tilvikum sem RÚV sendir aðeins út seinni hálfleik (að loknum kvöldfréttum) er fyrri hálfleikur sýndur á Vodafone EM.
Kíktu á litla EM vefinn okkar til að sjá hvaða leikir eru sýndir, fylgjast með úrslitum, stöðu í riðlum og mörgu fleira. Við erum líka með EM vef á rautt.is farsímavefnum.
Til að fá inn Vodafone EM stöðvarnar tvær þarf að framkvæma sjálfvirka leit á Digital Ísland myndlyklum (aðeins sýnileg þeim sem eru með móttöku um örbylgjuloftnet), en stöðvarnar koma sjálfkrafa inn hjá þeim sem eru með Amino myndlykla og móttöku um ADSL- eða ljósleiðaratengingar.
Athugasemdir