Útsending erlendra stöðva hafin
Nú er útsending hafin á hinum nýja sjónvarpsstöðvapakka Vodafone Erlendar stöðvar til þeirra Gull-viðskiptavina Vodafone sem hafa pantað áskrift.
Sjónvarpsstöðvarnar ættu að koma sjálfkrafa inn hjá viðskiptavinum sem eru með sjónvarp í gegnum ADSL eða ljósleiðara. Hafir þú pantað áskrift og sérð ekki stöðvarnar gæti þurft að endurræsa myndlykilinn, en það er gert með því að taka hann úr sambandi við rafmagn í stutta stund.
Þeir sem eru með sjónvarp í gegnum örbylgju og hafa pantað áskrift þurfa að framkvæma nýja stöðvaleit. Á hjálparvefnum okkar eru nánari upplýsingar um stöðvaleit.
Stöðvarnar munu verða á rásum 101 til 106 og er röðin þessi:
101 DR1
102 BBC Entertainment
103 JimJam
104 Discovery Channel
105 History Channel
106 Sky News
Eins og áður hefur komið fram er þessi sjónvarpsstöðvapakki veittur sem ávinningur fyrir Gull-viðskiptavini Vodafone og er áskriftargjald 395 krónur á mánuði. Því miður er ekki hægt að bjóða áskrift að þessum stöðvum til þeirra sem fá sjónvarpssendingar í gegnum UHF-kerfið (sjá nánar um þjónustusvæði sjónvarps). Eldri ávinningur er nú fallinn úr gildi og á næstu dögum mun lokast á þær sjónvarpsstöðvar sem buðust með honum.
Vodafone Gull viðskiptavinir geta skráð sig fyrir áskrift á Vodafone.is með því að nota vefslóð og kóða sem send var í tölvupósti eða hefðbundnu sendibréfi í lok október. Einnig er hægt að skrá áskrift með því að senda kennitölu rétthafa sjónvarpsáskriftarinnar og kóðann erlendar með SMS í númerið 1414. Að auki er hægt að hafa samband við þjónustuver Vodafone gegnum netspjallið eða með því að hringja í 1414.
Athugasemdir