Hefurðu einhverjar spurningar um þjónustu eða vörur Vodafone? Hér finnur þú svörin við flestum þeim algengustu.

Reikningar

Allt sem tengist reikningum: Inniheimtuferli, reikningstímabil, útskriftargjald, greiðslufrestur og fleira.

 

Í netverslun okkar geturðu á einfaldan hátt leitað eftir tegund, verði eða eiginleikum símtækja og þannig fundið rétta símann sem hentar þér.

Við erum með eitt mesta úrval landsins. Kíktu líka við í verslunum okkar.

Opnunartími yfir páskana

Breytingar verða á opnunartíma verslana og þjónustuvers, 1414, yfir páskahátíðina. Hér má finna yfirlit yfir þjónustu Vodafone fram yfir páska.

Opnunartími verslana og þjónustuvers Vodafone verður eftirfarandi yfir páskana (smellið á myndina til að sjá hana stærri):

opnunartimar-paskar2015

Við minnum einnig á að á opnunartíma þjónustuvers er hægt að hafa samband við okkur með netspjallinu.

Gleðilega hátíð!

4G í útlöndum í fyrsta sinn

Ertu á leið til útlanda á næstunni? Þá gætirðu verið á háhraða 4G sambandi á ferðalaginu með glænýrri þjónustu Vodafone.

4g-reiki-haVodafone hefur samið við farsímafyrirtæki í tólf löndum um afnot af 4G háhraða gagnaflutningssambandi og geta viðskiptavinir Vodafone nýtt 4G reikiþjónustu á ferðalögum sínum í þessum löndum.

Löndin eru Bretland, Grikkland, Holland, Írland, Portúgal, Rúmenía, Spánn, Tékkland og Þýskaland, sem eru þegar tengd, auk þess sem Ítalía, Nýja Sjáland og Suður-Afríka munu bætast við á næstu vikum.

Ferðamenn frá öllum þessum löndum munu á sama hátt geta nýtt sér 4G kerfi Vodafone á ferðalögum sínum á Íslandi.

EuroTraveller er hagkvæmast

Til að nýta 4G á ferðalögum til þessara landa þarftu ekki að gera neitt sérstakt – þegar þú lendir í viðkomandi landi ertu sjálfkrafa á 4G netinu þegar kveikt er á símanum. Til að nýta þjónustuna á eins hagkvæman hátt og hægt er mælum við með EuroTraveller þjónustunni, en með henni greiðir þú eitt daggjald og færð eftir það símtöl og gagnamagn á mun lægra verði en í hefðbundnu reiki.

Hægt er að skrá sig í EuroTraveller á Mínum síðum á Vodafone.is eða með því að senda SMS-ið „Euro“ í 1414.

Fyrst á Íslandi

Vodafone er fyrst íslenskra fjarskiptafyrirtækja til að bjóða upp á þessa þjónustu, til innlendra og erlendra ferðamanna, vegna alþjóðlegs samstarfs við Vodafone Group, sem sýnir mikilvægi þess fyrir Vodafone að eiga náið tæknilegt samstarf við eitt stærsta farsímafyrirtæki heims.

Með þessari þjónustu er markmiðið að viðskiptavinir geti upplifað sem hraðvirkasta og besta gagnatengingu í snjallsímum og spjaldtölvum á ferðalaginu hvort sem um er að ræða Íslendinga á faraldsfæti eða sífellt vaxandi markað ferðamanna sem sækja Ísland heim.

Nýttu þér 4G á ferðalaginu – þú finnur muninn!

Stórmyndin Interstellar í Leigunni

Stórmyndin Interstellar er komin í Leiguna í Vodafone Sjónvarpi og bætist þar við yfir 4.000 titla sem fá má í Leigunni.

interstellar

Stórmyndin Interstellar sem leikstýrt er af verðlaunaleikstjóranum Christopher Nolan skartar stjörnunum Matthew McConaughey, Anne Hathaway, Jessica Chastain og Michael Caine. Myndin, sem tekin var upp á Íslandi 2013, fjallar um teymi geimfara sem ferðast gegnum ormaholu í leit nýrra heimkynna fyrir mannkynið.

Myndin hlaut Óskarsverðlaunin fyrir bestu tæknibrellur og var tilnefnd til fjölda annarra verðlauna.

Myndin var tekin upp að hluta á Íslandi en leikstjórinn Christopher Nolan hafði áður myndað hér kvikmyndina Batman Begins. Flytja þurfti til landsins 10.000 tonna geimskip sem hluta af leikmyndinni og komu 350 manns að tökunum, þar á meðal 130 Íslendingar.

Íslenska landslagið var talið heppilegur vettvangur fyrir myndina, sem gerist á óþekktri plánetu. Tökustaðir voru m.a. Svínafellsjökull og Kirkjubæjarklaustur.

Þess má geta að ein aðalleikkonan, Anne Hathaway, ofkældist við tökur þar sem misfarist hafði að loka nægilega vel blautbúningnum sem hún klæddist. Hathaway lýsir reynslu sinni á þennan hátt:

anne-hathaway„Öllum var kalt á þessum tímapunkti. Við vorum búin að vera við tökur lengi og það var ekki eins og mér einni liði illa. Ég var bara sú eina sem leið sérstaklega illa, og ég vildi ekki tefja tökurnar. En svo kom að því að ég var ekki viss um að ég fyndi fyrir tánum [...] og ég var farin að sjá allt í móðu. Þá sneri ég mér að aðstoðarleikstjóranum og spurði hvort hann þekkti einkenni ofkælingar.“

Myndin hefur hlotið fínustu dóma og má sem dæmi nefna að á vefnum Rottentomatoes, sem tekur saman gagnrýni víðsvegar að, fær hún einkunnina 72%. Nýttu þér tækifærið og leigðu Interstellar á Leigunni – við mælum eindregið með henni!

Galaxy S6 á leiðinni

Nú styttist í að Samsung Galaxy S6 mæti í verslanir Vodafone. Það er óhætt að segja að þessi nýi ofursími frá Samsung sé algjör bomba.

samsung-galaxy-s6-a-s6-edge

Samsung Galaxy S-símarnir hafa verið gríðarlega vinsælir síðustu ár, enda er þessi lína jafnan helsta flaggskip Samsung. Það er því eðlilega mikil spenna fyrir því þegar ný útgáfa er væntanleg – og nú styttist aldeilis í það.

Við höfum verið með Galaxy S6 í prófunum undanfarna daga og getum ekki sagt annað en að það sé full ástæða fyrir því að símaáhugamenn bíði spenntir eftir þessari græju. Samsung hefur tekið stórt skref fram á við og má búast við að Galaxy S6 muni njóta mikilla vinsælda.

Framfaraskref í hönnun

Stóri munurinn frá fyrri útgáfum liggur í hönnuninni. S6 er með ramma úr málmi og gleri og er því flottari og sterkbyggðari en eldri útgáfur sem eru úr plasti. Í raun má segja að þarna sé Samsung komið í beinni samkeppni við Apple í útlitshönnuninni en áður hefur verið. Síminn mun koma í fjórum litum, svörtum, hvítum, gráum og bláum.

samsung-Galaxy-s6

Myndavélin hefur verið uppfærð mynduglega, bæði með umtalsvert meiri upplausn, sem er núna 16 megapixlar (5 Mpix að framan) og betra F1,9 ljósopi, sem þýðir að myndgæði við lægri birtuskilyrði aukast.

Skjárinn er 5,1 tomma, bjartur og skarpur með 2560X1440 upplausn. Undir húddinu malla svo 64 bita örgjörvi og 64 bita stýrikerfi sem sjá til þess að vinnslan sé eins og best verður á kosið.

Samsung-Galaxy-S6-edge

Edge er ofurflottur

Auk hefðbundnu S6 útgáfunnar mun líka koma á markaðinn sérstök útgáfa, S6 Edge, þar sem skjárinn nær út fyrir kanta símans. Það eru alveg ótrúlega flottir símar, sem segja má að séu nokkurs konar lúxusútgáfa af Galaxy S6.

Kemur 11. apríl

Fyrstu eintökin af Samsung Galaxy S6 munu koma í verslanir Vodafone 11. apríl næstkomandi. Þá koma svartar og hvítar útgáfur, bæði 32 og 64 GB. Aðrir litir og aðrar útgáfur auk Samsung Galaxy Edge munu svo koma til landsins í kringum 23. apríl. Endanlegt verð er ekki komið enn, en styttist í það. Fylgist með hér á Vodafone.is!

4G til yfir 80% landsmanna

Vodafone heldur áfram að leiða háhraða 4G væðingu landsins en 4G dreifikerfi Vodafone nær nú til yfir 80% landsmanna.

Allt frá því uppbygging 4G þjónustusvæðis Vodafone hófst fyrir tveimur árum hefur félagið lagt ríka áherslu á að byggja upp hámarks dreifingu jafnt á landsbyggðinni sem og á höfuðborgarsvæðinu. Vodafone er leiðandi á Íslandi í notkun hins langdræga 4G tíðnibands á 800MHz sem gefur viðskipavinum félagsins framúrskarandi upplifun í notkun á gagnaflutningi í farsímakerfunum.

Á meðal nýjunga sem félagið hefur innleitt er að nýta 4G tæknina til að bæta fjarskiptasamband úti á miðum landsins en þannig eykur 4G lífsgæði, hagkvæmni og öryggi sjófarenda. Hefur þessi nýja nálgun mælst sérlega vel fyrir og þegar stuðlað að fjölgun viðskiptavina úr sjávarútvegi hjá Vodafone.

4G-thjonustusvaedi-0315

4G þjónustusvæði Vodafone stækkar ört og nær nú út á mikilvæg fiskimið.

4G út á miðin út frá Vestmannaeyjum, Bláfjöllum og Bolafjalli
Ötullega hefur verið unnið að því að efla og styrkja háhraða samband Vodafone á hafsvæðinu í kringum Ísland. Á dögunum var gangsettur 4G sendir í Bláfjöllum, sem dreifir langdrægu 4G sambandi suður af landi yfir miðin á milli Þorlákshafnar og Vestmannaeyja. Fyrr í vetur voru einnig gangsettir sendar á Vestfjörðum sem dreifa háhraðasambandi út á miðin vestur af Ísafjarðardjúpi og inn í Ísafjarðardjúp og Ísafjarðarbæ. Snjöll nýting 4G tækninnar, til að bæta sjósamband, stuðlar þannig á hagkvæman hátt að bættri upplifun sjófarenda.

Hafsvæðið milli lands og Eyja er nú í sterku 4G sambandi.

Hafsvæðið milli lands og Eyja er nú í sterku 4G sambandi.

Áfram verður unnið að frekari uppbyggingu 4G þjónustusvæðis Vodafone og fleiri sendar gangsettir víða um land á næstunni. Næstu svæði sem unnið er að því að tengja eru Hvalfjörður og Svínadalur, Grindavík og hafsvæði suðvestur af Reykjanesi, Meðalfellsvatn, hafsvæðið suður af Vík auk Mýrdalssands, ásamt Blönduósi og nágrenni. Gert er ráð fyrir að þessir sendar verði komnir í notkun á næstu vikum.

Flutningshraði og viðbragð 4G tengingar er sem kunnugt er umtalsvert meiri en 3G tengingar. Þetta þýðir að þar sem ekki er hægt að ná internettengingu með öðrum hætti, má nýta 4G til að streyma tónlist og myndböndum, spila tölvuleiki og fylgjast með fréttum, til dæmis með einföldum netbúnaði sem getur tengt eitt eða fleiri tæki við 4G netið.

4G þjónustusvæði Vodafone nær nú til eftirfarandi svæða:

• Höfuðborgarsvæðið
• Húsavík og nágrenni
• Akureyri, Dalvík, og Hrísey ásamt Eyjarfirði suður fyrir Hrafnagil
• Siglufjörður, Sauðárkrókur ásamt stórum hluta Skagarfjarðar
• Ísafjörður, Hnífsdalur ásamt hafsvæðinu norður af Bolafjalli og hluta Ísafjarðardjúps
• Akranes, Borgarnes, Mýrar og uppsveitir Borgarfjarðar kringum Varmaland
• Reykholt, Húsafell og Skorradalur
• Keflavík og nágrenni
• Selfoss, Eyrabakki, Stokkseyri og sumarhúsasvæði á Suðurlandi
• Laugarás, Flúðir, Reykholt, Laugarvatn og Þingvallavatn
• Vestmannaeyjar og hafsvæðið í kringum eyjarnar
• Egilsstaðir og nágrenni

Stuðlað að aukinni fagmennsku við myndun stjórna

Í fyrsta sinn á íslenskum hlutabréfamarkaði mun svokölluð tilnefningarnefnd vera að störfum fyrir aðalfund Fjarskipta hf. (Vodafone). Hlutverk nefndarinnar er að tilnefna frambjóðendur til stjórnarsetu í félaginu en við vinnu sína skal nefndin taka mið af heildarhagsmunum hluthafa. Einnig er kosið í nefndina sjálfa á aðalfundi.

Fjarskipti varð fyrst skráðra félaga á markað á Íslandi til að koma á fót tilnefningarnefnd síðastliðið haust. Hlutverk nefndarinnar er að tilnefna frambjóðendur til stjórnarsetu í félaginu fyrir aðalfund þess sem fer fram þann 19. mars næstkomandi. Við vinnu sína skal nefndin taka mið af heildarhagsmunum hluthafa. Á meðal verkefna nefndarmanna er; að meta hæfni, reynslu og þekkingu tilvonandi kandídata til stjórnarsetu, einnig að meta óhæði þeirra, gæta að kynjahlutföllum í stjórn, upplýsa nýja stjórnarmenn um ábyrgð fylgjandi stjórnarsetu í félaginu og sjá til þess að hluthöfum berist upplýsingar um stjórnarmenn.

Unnt er að koma framboðum til stjórnar á framfæri við nefndina allt að tveimur vikum fyrir aðalfund. (samanber meðfylgjandi auglýsingu). Tillaga nefndarinnar um tilnefningar stjórnarmanna til hluthafafundar mun liggja fyrir eigi síðar en 10 dögum fyrir hluthafafund.

Auk þess að kjósa aðila í stjórn félagsins á aðalfundinum gefst hluthöfum einnig færi á að kjósa tvo af þremur fulltrúum í tilnefningarnefndina á sama fundi, en nefndin er undirnefnd stjórnar. Auk þess sem kallað hefur verið eftir framboðum til stjórnarsetu hefur einnig verið kallað eftir framboðum til nefndarinnar.

Ragnheiður Dagsdóttir, formaður tilnefningarnefndar Fjarskipta hf.:
Það er ánægjulegt að tilnefningarnefnd Fjarskipta komi nú í fyrsta sinn að aðalfundi félagsins. Hlutverk nefndarinnar er að stuðla að fagmennsku og gagnsæi við mat á frambjóðendum til stjórnar félagsins, hluthöfum jafnt sem öðrum hagsmunaaðilum til heilla. Starf nefndarinnar er hluti af áherslu félagsins á ástundun ábyrgra stjórnarhátta , að fyrirmynd sem gefist hefur vel á alþjóðavettvangi, og er vonandi það sem koma skal hjá fleirum hér á landi.

Tilgangurinn með myndun tilnefningarnefndar
Tilgangurinn með myndun tilnefningarnefndar er að að stuðla að aukinni fagmennsku, gagnsæi og skilvirkni við myndun stjórna félaga og er skipan nefndarinnar í samræmi við leiðbeiningar Viðskiptaráðs Íslands, Nasdaq OMX Iceland hf. og Samtaka atvinnulífsins, um stjórnarhætti fyrirtækja, frá árinu 2012 og leiðbeiningar OECD frá árinu 1999.
Stjórn félagsins samþykkti að þrír aðilar skipi tilnefningarnefndina, þar af meirihlutinn óháður Fjarskiptum hf. og daglegum stjórnendum félagsins. Núverandi tilnefningarnefnd skipa Ragnheiður Dagsdóttir, meðeigandi og sérfræðingur í ráðningum hjá Capacent sem jafnframt er formaður nefndarinnar, Ásdís Jónsdóttir, sérfræðingur á skrifstofu háskóla og vísinda í Menntamálaráðneytinu og Heiðar Guðjónsson, stjórnarformaður Fjarskipta.

Hér færðu fermingargjöfina

Viltu gleðja fermingarbarnið? Þú færð iPhone 6 á fermingartilboði með frábærum kaupauka í næstu verslun. Svo bjóðum við endalaust úrval af sniðugum aukahlutum!

Við kynnum fermingartilboð Vodafone: iPhone 6 með glæru Xqisit iPlate hulstri, flottum Urbanista Miami heyrnartólum og 1 GB gagnamagni í 6 mánuði ef fermingarbarnið er með Vodafone RED Young farsímaáskrift. Allt fæst þetta pakkað í fallega gjafaöskju.

fermingartilbod

16 GB iPhone 6 fæst á 119.990 kr. á fermingartilboði, almennt verð er 133.310 kr. Panta í netverslun.

64 GB iPhone 6 fæst á 134.990 kr. á fermingartilboði, almennt verð er 148.310 kr. Panta í netverslun.

Nýttu tækifærið og gefðu fermingarbarninu iPhone 6 með ríkulegum aukabúnaði!

Flottir aukahlutir

Í verslunum Vodafone má einnig finna endalaust úrval af flottum aukahlutum sem eru tilvaldir í fermingarpakkann. Hér eru nokkur dæmi:

Aukahlutur-Selfie_330

Selfie-stöngin er ein vinsælasta gjöfin í ár, enda vilja allir ná almennilegum sjálfsmyndum. Pantaðu í netverslun.

Aukahlutur-UrbanearsPlatta_330

Urbanears Plattan eru eitursvöl heyrnartól sem fást í 10 litum. Pantaðu í netverslun.

Aukahlutur-XoobarBoy

Xoopar Boy eru ofurkrúttlegir hátalarar fyrir snjallsíma, spjaldtölvur eða tölvur. Pantaðu í netverslun.

smart-tab-4

Vodafone Smart Tab er öflug og stílhrein spjaldtölva á einstaklega góðu verði. Pantaðu í netverslun.

Vertu í skýjunum með símalausnir þíns fyrirtækis

Með Símaskýi Vodafone getur þú sérsniðið símaþjónustuna að þörfum þíns fyrirtækis – hvort sem starfsmennirnir eru 2 eða 2000.

simasky

Símaský Vodafone er nútímalausn á símaþjónustu fyrirtækja sem tryggir hámarksgæði þjónustunnar en lágmarksumsýslu fyrir þitt fyrirtæki. Sérfræðingar Vodafone sjá alfarið um rekstur og umsjón símkerfisins og þú þarft ekki að kaupa neinn búnað. Einfaldara gæti það ekki verið.

Möguleikar Símaskýsins eru endalausir. Þú þarft samt ekki að nýta þér þá alla, heldur velur einfaldlega það sem hentar þínu fyrirtæki. Við hjálpum þér svo að sníða Símaskýið að þínum þörfum.

Við erum oft spurð um það hvað sé hægt að gera með Símaskýinu og við lendum í svolitlum vandræðum, því það væri eiginlega auðveldara að spyrja hvað er ekki hægt að gera! En maður á alltaf að reyna og hér er því tilraun til að draga fram ýmsa af kostum Símaskýsins til að gefa hugmynd um hversu fjölhæf þjónustan er.

• Yfirlit yfir rauntímaálag

o Sýnir stöðu símaálags í rauntíma. Hversu mörgum símtölum hefur verið svarað, hversu margir eru á bið eða hversu mörg símtöl hafa tapast.
o Stöðuskjár á vinnustaðnum – í spjaldtölvu eða í farsíma

Skýrslur
o Álagsskýrslur gefa mynd af því hversu vel fyrirtækið þitt svarar símtölum og hvernig álagið dreifist yfir ákveðinn tíma
o Hægt að skoða tölfræði yfir daginn, síðustu viku eða lengra
o Hversu mörg símtöl berast inn og hvernig þeim er svarað
o Hversu mörg símtöl hringd eru út

GSM samtímahringingar
o Símaský býður upp á þann möguleika að vera bara með GSM
o GSM sími hringir á sama tíma og borðtæki – alltaf eða tímastillt eftir þörfum hvers og eins

simasky2 Þjónustuver
o Hvort sem þitt fyrirtæki er með 3 eða 30 starfsmenn er nauðsynlegt að tekið sé á móti innhringjanda, hann boðinn velkominn og gefnar séu upplýsingar um stöðu í röð.
o Eru 2 á bið eða eru þeir 102? Símaskýið ræður við álagið.

Spjall
o Með Símaskýinu getur þú fengið forrit sem gerir starfsmönnum kleift að spjalla sín á milli ásamt því að stýra símavirkni
o Forritið getur tengst tengiliðaskrá starfsmanna í t.d. Outlook og hringt beint þaðan út.

Valmynd „veldu 1…. 2….3“
o Þarf að minnka álag á skiptiborð og dreifa símtölum beint á deildir eða einstaka starfsmenn?
o Valmyndin leiðir þann sem hringir á réttan stað og getur verið tíma- eða álagsstillt eftir þörfum.

Tölvuskiptiborð
o Með skiptiborði í tölvu getur þú svarað, gefið símtal áfram, séð stöðu starsfmanna (calendar), séð hvert innhringendum var beint í síðasta símtali og séð hversu margir eru á bið, svo eitthvað sé nefnt.
o Allt unnið á lyklaborð og mús í einföldu viðmóti.

Upptaka símtala
o Með Símaskýi er hægt að taka upp símtöl hjá ákveðnum notendum eða eftir þörfum hvers og eins.
o Öll gögn geymd á öruggu svæði eftir ítrustu stöðlum og lögum.

Lokunarskilaboð
o Sjálfvirk símsvörun með upplýsingar utan hefðbundins afgreiðslutíma fyrirtækis.
o Innhringjendur geta skilið eftir skilaboð sem berast ákveðnum starfsmönnum í tölvupósti.
o Mögulegt að bjóða þeim sem hringir að fá beint samband við bakvakt.

simasky3

Varakerfi
o Ef þitt eigið kerfi verður óstarfhæft t.d. vegna bilunar eða rafmagnsleysis bjóðum við upp á ýmsar lausnir til að koma öruggu sambandi upp aftur.

Þjónusta
o Áherslur viðskiptavina Vodafone eru misjafnar. Við búum yfir hópi fagfólks sem svarar þínum fyrirspurnum og beiðnum fljótt og öruggt.
o Vodafone starfar eftir ströngustu stöðlum ISO27001 og miðlar þeirri þekkingu áfram til sinna viðskiptavina.

Viltu vita meira? Þú getur alltaf haft samband við okkur í síma 599 9500 eða sent fyrirspurn á firma@vodafone.is og við svörum öllum þínum spurningum!

Á Vodafone blogginu birtum við fréttir af ýmsu sem tengist starfsemi, vörum og þjónustu Vodafone. Við leggjum okkur að sjálfsögðu fram um að upplýsingar sem hér birtast séu réttar, en alltaf geta einhverjar villur slæðst með sem við leiðréttum ef þær finnast. Eðli bloggsins vegna má búast við að upplýsingar sem hér birtast geti úrelst með tímanum.
Netspjall / Panta símtal / Fyrirspurn