Vodafone

LG símarnir hafa verið vinsælir síðustu misserin og ekki að ástæðulausu. Þetta eru góðir snjallsímar sem hafa ávallt verið á mjög samkeppnishæfu verði. Nýjasta línan frá LG, L-serían, er engin undantekning.

Í L-seríunni eru LG Optimus L3, L5 og L7. L3 er vel hannaður sími með 3,2 tommu skjá og öllu því helsta sem snjallsímatæknin býður upp á. Hann er mjög flottur í útliti, enda byggir hann á hönnun PRADA 3 símans eins og hinir símarnir í L-seríunni. Og verðið er frábært fyrir snjallsíma, 24.990 kr.

L5 er nokkuð stærri – með 4,0 tommu skjá og nýjasta Android-stýrikerfið (Ice Cream Sandwich). Hann er jafnframt með 5 MP myndavél og PRADA-hönnunin nýtur sín vel. L5 er væntanlegur til landsins um í lok maí eða byrjun júní.

Flott flaggskip

Flaggskipið er LG Optimus L7 sem er nýkominn í verslanir okkar. Þetta er snjallsími í fullri stærð – með skýrum 4,3 tommu skjá sem er frábær stærð til að vafra á vefnum, skoða myndbönd og almennt njóta þess að eiga góðan snjallsíma.

Myndavélin er 5 MP og skartar hraðvirkum sjálfvirkum fókus, örgjörvinn er 1 GHz og vinnsluminnið 512 MB. Stýrikerfið er að sjálfsögðu Ice Cream Sandwich. Og verðið er einstaklega gott fyrir svo öflugan snjallsíma – 59.900 kr. Það er ekki að ástæðulausu að margir telja að L7 verði einn vinsælasti snjallsíminn í sumar.

Þú getur lesið meira um L-seríuna á vef LG eða kynnt þér LG L7 og LG L3 í netverslun okkar og pantað þitt eintak strax í dag!

Handknattleiksakademía Íslands er hugarfóstur Ágústs Þórs Jóhannssonar landsliðsþjálfara og Rakelar Daggar Bragadóttur landsliðsfyrirliða. Akademían stendur fyrir handknattleiksnámskeiði fyrir ungmenni á aldrinum 13-18 ára þar sem boðið er upp á fyrsta flokks afreksþjálfun í handknattleik. Markmið akademíunnar er að bæta tækni og leikskilning sérhvers einstaklings auk þess að kynna leikmönnum afreksmannaþjálfun.

Fyrsta námskeið handknattleiksakademíunnar hófst í Vodafonehöllinni í dag, en það er þriggja vikna námskeið fyrir 13 – 18 ára stúlkur. Mjög mikil eftirspurn var eftir að komast á námskeiðið og var fullbókað á það með talsverðum fyrirvara. Byrjað er að bóka á næsta stúlknanámskeið, sem verður haldið í september.

Fyrsta námskeiðið fyrir stráka hefst í byrjun júní og má búast við að áhuginn á því verði mikill einnig. Skráning er í fullum gangi á vef Handknattleiksakademíunnar.

Við óskum Handknattleiksakademíunni til hamingju með áfangann og hlökkum til samstarfsins við að rækta hæfileika ungs handknattleiksfólks í framtíðinni.

Hæfileikakeppni Íslands hefur verið brautryðjandi í íslensku sjónvarpi hvað varðar notkun á Twitter. Frá upphafi hefur merki (hashtag) keppninnar, #hkeppni, verið birt meðan á útsendingu stendur og í kjölfar mikilla vinsælda var farið að birta valin tíst á skjánum á meðan á þáttunum stóð.

Þetta hefur vakið mikla athygli og aukið enn áhuga almennings á Twitter og notkun þessa samskiptamiðils við ýmis tækifæri. Mörg hundruð tíst hafa frá upphafi þáttanna verið birt undir merkinu #hkeppni þar sem fólk lætur í ljós álit sitt á þáttunum, keppendum og frammistöðu þeirra.

Vodafone er annar aðalstyrktaraðili keppninnar, enda notum við öll tækifæri til að hvetja fólk til að rækta hæfileika sína. Í tilefni af frábærum viðtökum við keppninni á Twitter fær sá sem á besta tístið undir merkinu #hkeppni á meðan á keppninni stendur á föstudagskvöldið snjallsíma frá Vodafone í verðlaun.

Síminn er hinn frábæri HTC One V, sem var að koma í verslanir okkar fyrir skömmu.

Taktu þátt – það er ekki flókið!

Margir hafa lent í vandræðum með að tengja myndlykilinn fyrir Vodafone Sjónvarp við netbeini, því oft er sjónvarpið staðsett langt frá netbeininum. Sumir hafa þá dregið netsnúrur í lagnir, sem er kostnaðarsamt, eða lagt langar netsnúrur meðfram veggjum, sem er oftast ljótt.

Þessi vandamál eru úr sögunni með Vodafone Powerline, nýjum búnaði sem við vorum að taka í sölu. Vodafone Powerline notar rafkerfi heimilisins til að flytja gögnin og ekki þarf lengur tengja myndlykil og netbeini saman með snúru.

Vodafone Powerline er talsverð framför frá fyrri búnaði sem við höfum haft í sölu. Bæði hefur tæknin þróast þannig að minni hætta er á truflunum af öðrum tækjum á rafkerfinu og verðið hefur jafnframt lækkað.

Það besta er þó að Vodafone Powerline er með innbyggða rafmagnsinnstungu. Ekki er ráðlagt að tengja búnaðinn í fjöltengi heldur beint í vegginnstungu. Innbyggða innstungan þýðir að hægt er að stinga fjöltengi eða öðrum rafmagnstækjum í samband í gegnum Vodafone Powerline búnaðinn og því tapast ekki vegginnstunga þegar Vodafone Powerline er í notkun.

Vodafone Powerline er selt í pörum, en einnig er hægt að kaupa stakan tengil. Hann nýtist þá t.d. þegar Vodafone Powerline par er þegar til staðar og þörf er á að tengja aukamyndlykil annars staðar á heimilinu.

Kynntu þér Vodafone Powerline betur eða pantaðu strax í dag í netversluninni.

HTC One X er sá flottasti sem komið hefur frá HTC og hefur fengið dúndurdóma á erlendum fagvefjum. Gríðarlega öflugur 1,5 GHz quad-kjarna örgjörvi og 1 GB vinnsluminni þýða að fáir standast honum snúning þegar kemur að vinnslugetu.

Skjárinn er 4,7 tommu Super LCD með HD-upplausn (720 x 1280 pixlar) og því einstaklega skýr og bjartur. Myndavélin er 8 MP með LED-flassi, andlitsgreiningu og staðsetningarmerkingu (geotagging). Vídeótakan er ekki síðri, bæði háskerpu 1080p og 720p í boði, 30 rammar á sekúndu og stereó-upptaka. Og það sem meira er – hægt er að taka myndir á meðan verið er að taka vídeó!

HTC One X er að sjálfsögðu með nýjasta Android Ice Cream Sandwich stýrikerfinu og Sense-viðmótinu frá HTC sem hefur fengið frábæra dóma. GSM Arena kallaði þetta t.a.m. sennilega bestu snjallsímaupplifun hingað til – bæði hvað varðar útlit og virkni.

Pantaðu þitt eintak af HTC One X í netverslun Vodafone.

Það er allt hægt með snjallsímum! Nýjustu auglýsingar Vodafone sýna meðlimi hljómsveitarinnar Retro Stefson spila nýtt lag af væntanlegri plötu hljómsveitarinnar. Það óvenjulega við upptökuna er að lagið er allt spilað á snjallsíma og spjaldtölvur – og þar með sýnir hljómsveitin hversu magnaða hluti er hægt að framkvæma með slíkum tækjum og góðum forritum.

Þegar við hjá Vodafone höfðum samband við Retro Stefson og spurðum hvort þau væru til í þetta verkefni með okkur voru þau fljót að segja já. Þeim þótti spennandi að skoða hvort hægt væri að flytja eitt af nýjustu lögum sínum alfarið með snjallsímum og spjaldtölvum og fóru strax af stað í verkefnið.

Lagið Kensho varð fyrir valinu en það hefur aldrei verið gefið út áður. Með góðum snjallsíma- og iPad-öppum réðst Retro Stefson í að spila lagið á nýjan leik og útkoman varð stórskemmtileg útgáfa af laginu eins og heyra má í nýjustu auglýsingu Vodafone:

Samstarf Vodafone og Retro Stefson sýnir hvernig snjallsímar og spjaldtölvur geta hjálpað okkur að rækta hæfileika okkar. En þessi tæki nýtast ekki bara við tónlistarsköpun, heldur eru til sniðug forrit fyrir svo til allt sem við tökum okkur fyrir hendur.

Við hjá Vodafone höfum nú opnað nýja yfirlitssíðu yfir fjölmörg áhugaverð forrit fyrir snjallsíma og spjaldtölvur sem nýtast á hinum ýmsu sviðum. Við munum bæta við forritum og ýmsum skemmtilegum nýjungum á næstunni – fylgist með!

Síðustu mánuði hefur verið unnið hörðum höndum á endurhönnun útlits og virkni Vodafone Sjónvarps og er vinnan nú komin á lokastig. Í þessari viku verður farið í uppfærsluferli sem kynnt verður m.a. með bréfi til sjónvarpsnotenda áður en uppfærsla á sér stað hjá þeim. Einnig má finna nánari upplýsingar um ferlið á sérstakri uppfærslusíðu.

Uppfærslan er umfangsmikil og því verður hún hverfisskipt. Í nótt verður byrjað á uppfærslu í Breiðholti og önnur hverfi bætast svo við í framhaldinu. Við sendum bréf til viðskiptavina með nokkurra daga fyrirvara þar sem  tilkynnt er að uppfærsla sé á næsta leiti.

Yfirlit yfir sjónvarpsstöðvar og dagskrá þeirra verður aðgengilegra.

Það fyrsta sem viðskiptavinir munu án efa taka eftir í nýja kerfinu er gerbreytt útlit. Sjónvarpsstöðvayfirlit og dagskrá verða aðgengilegri og framsetning efnis í Leigunni verður betri svo eitthvað sé nefnt. Þeir sem eru með háskerpusjónvarp munu finna mestan mun þar sem nýja viðmótið er sérstaklega hannað fyrir slík tæki.

Hér sést yfirlitssíða Leigunnar, en allt viðmót hennar hefur verið endurhannað.

Nýja kerfið hentar  betur fyrir uppfærslur en það sem nú er notað, þannig að ýmsar áhugaverðar nýjungar munu svo bætast við sjónvarpsþjónustuna næstu misserin. Þannig munu tæknimenn Vodafone t.a.m. geta fínstillt kerfið þannig að ræsing myndlykla taki styttri tíma og öll notkun og skipanir í kerfinu gangi hraðar en áður.

Uppsetning flokka í Leigunni verður betri, þannig að auðveldara er að finna það sem leitað er að.

Það eru því spennandi tímar framundan í Vodafone Sjónvarpi.

Svona eru helstu skipanir nýja viðmótsins fyrir þá sem eru með silfurlita Amino 110 myndlykilinn:

Svona eru helstu skipanir nýja viðmótsins fyrir þá sem eru með svarta Amino 140 myndlykilinn:

Skráning hefst við Ármannsskála milli kl. 10:00 – 10:45 og keppnin stendur til 13:00. Keppnin er öllum opin og þátttökugjald er ekkert. Skíðakennsla verður frá kl. 10:30 og eftir það á klukkustundar fresti.

Við hvetjum alla krakka yngri en 12 ára að koma í Bláfjöll á morgun og skemmta sér á skíðum. Vodafone býður öllum þátttakendum og fjölskyldum þeirra upp á kakó, góðgæti, pylsur og drykk að mótinu loknu.

Dagskráin er eftirfarandi:

Skráning og afhending númera við Ármannsskála: 10:00-10:45

Skíðakennsla Frá kl.10:30 á klukkutíma fresti

Brautarskoðun – báðar brautir (Barnalyfta/Jón Oddur):  10:45-11:00

Tímatökubraut opin f. alla: Jón Oddur frá 11:00

Start – leikjabraut (7 ára og yngri) Barnalyfta: 11:15-11:45 Ein ferð

Start – samhliðasvig (7-12 ára) Jón Oddur: 12:00-13:00 Ein ferð – dregið um braut – útsláttarkeppni

Pulsur og drykkir við Ármannsskála:  12:15

Kakó og prinspóló við Ármannsskála- sjoppa: Frá 13:00

Verðlaunaafhending við Ármannsskála: 13:15